الخميس، 9 ديسمبر 2010

ليش تهتم بكلام الناس

الناس قالوا ..... والناس قالوا

على طول نهتم بكلام الناس و وايد يأثر كلامهم على يومنا و حياتنا

و هالشي كل العالم يعاني منّه و بالأخصمجتمعاتنا العربية

و اعتقد اللي قاعدين يقرون هالتدوينة في منهم من الاشخاص اللي بتكلم عنهم الحين

اعطيكم مثال:

اذا واحد كان حاب يغير من روحه للأحسن و كان شاد حيله

فجأة يقول بوقّف خلاص ما أبي اكمل

لما نسئله ليش وقفت؟

غالبا يكون الجواب ما اقدر اخاف من كلام الناس

ما أبي ينقال عني شي

ما أبي الناس يتكلمون عني

ابي اعيش حر من كلام الناس

تدري يا فلان ان حتى لو ما تغيرت كلام الناس بظل معاك

تدري ان كلام الناس ما يخلص

تدري ان في ناس وايد ما يتأثرون بكلام الناس

شلون؟

قبل ما تتغير قول حق نفسك

بتغير عشان الله

يا رب راح يكون التغيير بس حقك .. عشانك

لحظة شوي ........ تبيني اتغير عشان الله ....... ليش؟

اصبر .. الحين بتعرف

انت لما تقول هالكلمة بطريقة لا ارادية راح ترسل رسالة حق مخك تقول فيها:

انا راح اتغير عشان الله فما راح اهتم حق كلام الناس

كل يوم قول حق نفسك هالكلام

بعدين كل ما سمعت احد يحبطك

راح تتذكر انك ما راح تهتم بكلامهم

و تكمل طريقك للتغيير بسلاااام

نروح حق فرع ثاني من موضوعنا

واحد يتدين عشان كلام الناس او تصدق ب 100000 دينار

شلون؟

يبي الناس تقول عنه فلان المتدين

فلان المتصدق

فلان اللي ما يسوي الحرام

يبي السمعة

تدري يا فلان ان اللي قاعد تسويه غلط

و ان الله قاعد يشوفك

الله قاعد يشوفك بكل وقت بكل مكان

يعرف اسرارك يعرف داخلك يعرف كل شي عنك

و الاهم يعرف انك تبي السمعة

تبي كلام الناس

تبي القيل والقال

تدري ان عملك اللي قاعد تسويه عشان الناس عشان تحقق اهدافك و مصالحك الخداعة ما راح يصير

يمكن راح يتحقق منه جزء بس ما راح يكتمل

تدري ان الله ما راح يباركلك بعملك و بحياتك

تعرف شنو اللي قاعد تسويه؟

تدري ان اللي قاعد تسويه يسمونه رياء

و الرياء هذا راح تاخذ عليه سيئات

بس اخلص نيتك و شغلك راح يصير تمام

و اذا تبي سمعتك توصل السما

اعبد الله و اخلص له و راح يتحقق هالشي و الدليل حديث للرسول صلى الله عليه وسلم

تدرون ان الناس قاعدين يخربون على مجتمعاتنا

لان اللي بيتغير و وقّف اول شي استسلم حق عيوبه

ثاني شي بيسمع كلام الناس و بيتحبط

ثالث شي اذا تم على عيوبه و تحبط ما راح يعدل من نفسه

و اذا ما تعدل ما راح ينتج و لا راح يخدم وطنه بالصورة الصحيحة

و اللي يرائي الناس

اول شي راح يقص على الناس و هذا حرام

فالناس يصيرون نوعين:

نوع يصدقه و بعدين ينصدمون بالواقع المرير

و الشي اللي يحر يساعدونه و آخر شي يكتشفون ان اللي ساعدوه يقص عليهم

شنو راح تصير ردة فعلهم؟

ما يحترمونه و ياخذون فكرة سيئة عنه

مع الايام عدد الناس اللي يقدرونه يقل

و ما راح يتوفق بشغله

النوع الثاني:

ناس ما يصدقونه و يعلمون الناس ان هالشخص ترا يقص عليكم و اهوا كذا و كذا

و يفضحون شغله

بعدين نبدي الاشاعات فما راح يسلم من شرهم

و هالناس قاعدين يخربون على مجتمعاتنا

لان مو قاعدين ينتجون صح

مو قاعدين يعيشون صح

و وجودهم و عدمهم واحد لان مو قاعدين يفيدون مجتمعاتهم

فياللي قاعد تقرا التدوينة

انا اكلمك

اي انت

لا تستغرب

اذا كنت واحد من اللي قلنا عنهم

غير من روحك

او اذا تعرف احد من اللي فوق

كلمه .. نصحه .. علمه الصح من الغلط ..

حتى لو ما نجحت على الاقل بذلت جهد

لا تظل ساكت لا تحط ايدك على خدك و تقول ما بيدي اسوي شي

ترى تقدر

ايي تقدر

حاولت تغير من مجتمعك

و انشالله تغير المجتمع الاسلامي كله

هناك 7 تعليقات: