مبتسمة والإبتسامة

السلام عليكم و رحمة الله و بركاته
أنا وحدة يديدة في عالم التدوين و هذي أول تدوينة و إنشالله تعجبكم



بقولكم قصة ..
قبل كنت أشوف الحياة بنظرة عادية كنت أقول إن هالحياة أيام و تمر فما كنت مهتمة فيها

و ماكنت أفكر شنو هالأيام
بيضا - سودا - ملونة - كئيبة .. كل هذا ما كنت أعطيه أي إهتمام

بعدين بديت أفكر شلون أبيها تصير..

أول شي فكرت فيه كانت الابتسامة
و ذاك الوقت و آنا مبتسمة



ليش أبتسم؟
أبتسم .. عشان أرضي ربي
أبتسم .. عشان أغير حياة الناس
أبتسم .. عشان أصير قدوة حق غيري (انتبهوا! بس مو رياء و سمعة)
أبتسم .. عشان أزيل الهموم اللي بقلبي
أبتسم .. عشان أعيش حياتي براحة و طمأنينة و تفاؤل
أبتسم .. عشان أغير من حياتي



قالوا في الإبتسامة:
* ابتسم ليزيح الهم من قلبك و تزيح هم غيرك

* ابتسم في وجه المصيبة و لا تسأم لأنك مؤمن والحزن ليس من سماتك و الأمر كله خير لا و أنت أقوى من أن يرى اللآخرون ضعفك

* ابتسم فابتسامتك تبعث الأمل و السعادة في النفوس

* ابتسم و لا تيأس فالإبتسامة تغلق أبواب الهم ز تضيء مصابيح الفرح في حياتنا


شتسوون بهالمواقف؟
- لو واحد ينرفزط و يضغطك كل يوم و انت تعصب و ما تقدر توقفه

تقعد تصرخ عليه و بدال ما تهدي الموضوع تكبره؟

لأ هذا مو الحل

الحل ..
الابتسامة

ليش؟
لما تبتسم كأنك تقول حق صاحبك إنتا ما هميتني
أنا أقدر أتحكم بانفعالاتي

شوي شوي راح يوخر عنك و يخليك بحالك


- لو الله ابتلاك بشي انته ما تبيه

تقعد تصرخ و تكتئب و تعترض على قضاء الله و تزعل و تتحبط و تنقلب حياتك من طمأنينة إلى نكد

لأ هذا مو الحل
أول شي ابتسم
قول قدر الله و ماشاء فعل
قول الله سوى هالشي لصالحي

لاتقول لو صار الشي الفلاني او لو ما سويت الشي الفلاني ما صار جذيه

هدية لكم
نشيدة تبسم للمنشد سمير البشيري

http://www.mouslimtube.com/%CA%C8%D3%E3+2007/song/%CA%C8%D3%E3